السلام عليكم ورحمة الله وبركاته كـــــفااااااااااااااايـــة
في البداية اتمنى ان الكل ما يفهمني غلط في هالموضوع لكن الوضع ما يطمن !!!
طبعاً مثل ما يعرف الكل اذا انكسرت أحدى الحلقات ... او كُسر جزء من الدائرة .. أو سقطت من بناية ما أحدى الأعمدة ... فـ كل شي راح ينهدم ...
وفي كل منظومة لازم الجهد يكون تكاملي وليس تنافسي عسب تنجح الدائرة او المؤسسة او مهما كانت الجهة الي تبى تنجح ..
.... لكن الي حاصل في كرتنا بـكـل إختصار [ مهزلة ] ..
الصراحه حرااااااااااام اشوف كرتنا الإماراتية تسقط والسبب المصالح الشخصية لبعض الأشخاص في الرابطة او الأتحاد عيل واحد من الرابطة يستفسرون ويطلبون منه شي يقول لهم :- انا مادري شو منصبي ف الرابطة [ وكيفي ] !!! الحين تطوير كرتنا صار [ بكيفه ] .؟؟ قبل انا كتبت موضوع بعنوان بعد التدهور تطور ... لكن الحين نحن في ترااااجع مهييييب وكبير بعد ..! نعم سقطت القيم وحب العمل بعد ما ادخلنا الاحتراف في حياتنا في البداية تمنينا وتوقعنا ان يكون الاحتراف شيئاً جيداً لكرتنا الإماراتية لكن للأسف !!! ومثل ما يقول المثل :- [ يا شين السرج ع البقر ] تراجع مهيب في الحضور الجماهيري صح انه في جماهير وفية تحضر مهما كانت الظروف لكن بكل امانة , هل الجماهير الوفية الي قول بتوصل 1000 واحد بتكفي ؟!!!! هل الالف مشجع هو طموحنا ؟ في مباراة العين والوحده الي في بوظبي استغربت من الجماهير الوحداوية انها ما ترست المدرجات وفي الموسم الي قبله استغربت انه الجماهير العيناوية ما ترست المدرجات في مباراتنا في العين
مع ان هالمباراة هي المباراة الي [ كانت ] تعكس تطور كرتنا الإماراتية كنا نشوف تنافس جماهيري ع الحضور وضرايب وقفز فوق السور ومستشفيات وشرطة لكن الحين حوالي 70 % من الملعب يمتلي والباقي فرااااااغ شو السبب !؟!!! شو الي مستوي ويالس يخرب ف دولتنا
.............
قنواتنا بدال ما تتعاون مع بعضها , نشوف التنافس بينها .. بدال ما تتعاون القناتين على أظهار الدوري الإماراتي نشوفهم يرمون الاتهامات على بعضهم ..! كنت اتمنى في السابق انه دبي [الرياضيه ] وبوظبي [ الرياضيه ] يجتمعون تحت مسمى قناة [ الإمارات الرياضيه ] لكن الحين بس اتمنى انه القناتين يتعاونون ع الاقل
يعني يا دبي الرياضيه يرضيج تنقلين مباراة في دوري [ المحترفين ] بكيمرة وحده ؟!!! وانتي يا بوظبي الرياضيه مب كان عليج التنسيق المسبق مع دبي الرياضيه عسب اذا دبي الرياضيه ما عندها كيمرات تنقلون بث هالمباراة لشركة [ لايف ] !
بوظبي الرياضية الصراحه مقدمة شغل ممتاز من ناحية التغطية والتحليل للدوري ... ودبي الرياضية مسوية شغل حلو مع شوية شوائب في برامجها الي تختص في الدوري...
تخيلوا تغطية قناة بوظبي الرياضية + برامج دبي الرياضيه [ دورينا + الجماهير + الكرت الأبيض ] = شو بيستوي !!!
مجرد احلام للأسف
..... وانتم يا رابطة ... يرضيكم الي يحصل ؟!! يرضيكم السقوط ؟!!! ولا في خططكم المستقبلية بتتعاقدون مع ولد عم [ رومي جاي ] ؟!!! عسب بس تقصون علينا إنه في واحد إيطالي ف الرابطة !! الحمدالله نحن شعب فاهم في الكرة ... ونفهم إن الي تسوونه غلط × غلط !!! وعدتونا قبل الموسم بخطط لأستقطاب الجماهير.. واخرتها نشوف الاندية هي الي تجتهد في جلب الجماهير الى الملاعب .!! وعدتونا بتقليل التوقفات في الدوري ..! لكن يالس نشوف الدوري يتوقف اسبوع واسبوعين وثلاث وعدتونا برفع مستوى كرة الإمارات لكن حتى الحين ما رمتوا تحلون قضية وردة وعدتونا بالعمل وانا اشوف اتكالية على الاندية !!
:: خـــلاص كــفـــايـــة [ مـــهـــــااااازل ] :: 
العرض العادي
